វគ្គបណ្តុះបណ្តាល តាមរយះប្រព័ន្ធវីដេអូ(Zoom) ស្តីពីសវនកម្មលេីកិច្ចប្រតិបត្តិការ
ថ្ងៃពុធ ៨រោច ខែភទ្របទ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី២៩ ខែកញ្ញា ឆ្នាំ២០២១ លោកជំទាវ បណ្ឌិត សោម គីមសួគ៌ អគ្គសវនករ នៃអាជ្ញាធរសវនកម្មជាតិ បានអញ្ជេីញចូលរួមបេីកវគ្គបណ្តុះបណ្តាល តាមរយះប្រព័ន្ធវីដេអូ(Zoom) ស្តីពីសវនកម្មលេីកិច្ចប្រតិបត្តិការ ជូនដល់សវនករ នៃគ្រប់នាយកដ្ឋានជំនាញ សរុបចំនួន ៣១រូប សិក្សាតាមប្រព័ន្ធអនឡាញចាប់ពីថ្ងៃទី២៩ ខែកញ្ញា ដល់ថ្ងៃទី០១ ខែតុលា ឆ្នាំ២០២១។
អាជ្ញាធរសវនកម្មជាតិ ក្រោមការដឹកនាំប្រកបដោយគតិបណ្ឌិតរបស់ លោកជំទាវ បណ្ឌិត សោម គីមសួគ៌ អគ្គសវនករ ប្រភេទសវនកម្មលើកិច្ចប្រតិបត្តិការនេះ ជាសមិទ្ធផលមួយថ្មីទៀត នៃការអនុវត្តប្រភេទសវនកម្ម របស់ អាជ្ញាធរសវនកម្មជាតិ ក្នុងចំណោមប្រភេទសវនកម្មនានាដែលធ្លាប់បានអនុវត្តកន្លងមក ដែលស្របនឹងការវិវត្តន៍ជាអន្តរជាតិ នៃវិស័យសវនកម្មសាធារណៈ៕